畢業旅行 DAY 33 - 旅程後一記

今日的行程可以用一句句子總結︰一早起身去左機場Check in，因為尋日香港八號風球，坐左係飛機入面三個幾鐘終於可以返香港啦！完......

算啦...還是再一次重溫這33日的旅程︰

DAY 0 : 出發前一記

DAY 1 : 食飽飽好上路

DAY 2 : 最漫長的一天

DAY 3 : 條條大路通羅馬

DAY 4 : 邪惡的翡冷翠

DAY 5 : 尋找伽利略

DAY 6 : 迷失威尼斯

DAY 7 : 地球係圓架嗎!

DAY 8 : 星之奇遇

DAY 9 : 最寧靜的首都

DAY 10 : Top of Europe

DAY 11 : 催狂魔之吻

DAY 12 : 沒有商業味道的世界金融中心

DAY 13 : 名車的博物館

DAY 14 : 位於山之巔的城堡

DAY 15 : 跟Gary Oppa吃咸豬手

DAY 16 : We need democracy not great wall

DAY 17 : 暴走柏林街頭

DAY 18 : 迷之巴黎

DAY 19 : 最美的感動

DAY 20 : 與浪漫花都的約定

DAY 21 : NICE is so NICE!!!!!!

DAY 22 : 暫別法國數小時

DAY 23 : 紫色海洋

DAY 24 : 巴塞隆拿失竊事件簿

DAY 25 : City Hunt@巴塞隆拿

DAY 26 : 西班牙的中心點

DAY 27 : 走馬看馬德里

DAY 28 : 天涯海角最西點

DAY 29 : 大航海時代

DAY 30 : 第三極

DAY 31 : 再一次許願

DAY 32 : 豪食在北京

我好努力係Google入哂我成個行程...不過都係有DD出入...(如有高手，請指教！)

放埋呢個詳細Plan比大家睇啦~~

以下是我當時完成旅程後的原汁原味一小記︰

「係打呢一篇NOTE之前睇返自己出發前既小記...

有點感觸....

出發前開開心心咁話'9個國家 21個城市 4個同伴 33日旅程"

到了6月30日就變成左"9個國家 24個城市 2個同伴 33日旅程"

去既城市比我出發前數既多左，但同行既人就少左...

第一次到歐洲，玩遍西歐八個國家...

所需要的體力、智慧、應變力、EQ，甚至運氣都遠遠超出我預期...

去到一個人生路不熟，兼冇咩人聽得明英文既國度...

即使帶左足夠既錢都唔可以解決哂所有問題...

呢33日既旅程真係好震撼到我...

細個係中史、HISTORY、ART等等既書上讀過既人、事、文化、遺址、藝術品....

一一擺係你眼前....

我仲好記得第一下去到羅馬

搭巴士沿途望見一D古羅馬遺址個一種興奮、好奇

我真係好似D小朋友...要坐係窗口位睇風景

除左睇到好多好多書本上既野

係呢一個TRIP我竟然可以

連續33日都可以準時起身...

為慳幾EURO而唔買PASS怒行...

為左飽肚食一D我係香港一定唔會食既野...

為左解渴而飲生水...(我對水既要求真係好高...係香港D水有少少味我都唔飲)

忍受到幾日都著同一SET衫...

頂得順後期日日拖住個就爆既GIP、咩住個成1X kg既重袋趕路追車轉city..

忍得到比人偷左野唔喊...

......

好多好多好多...

我係香港唔會做 唔會忍受到 唔會試既事

係呢33日體驗左....

我知道呢一D其實係好小事....

大家會話咁人地一個人去外國讀書未仲慘!!

其實係架...

我只可以話雖然我係香港唔係有錢女....

只係一個出生於公屋既small potato...

但我都算係衣食無憂....幸福到爆...

屋企人真係照顧得我呢個溫室植物少爺兵好好...

同時呢一個旅程話比我知我係香港一路有一班好肯遷就我幫助我既朋友....

係呢一個旅程入面....

電話壞左...wifi唔stable既情況下...

冇我同我最愛既朋友whatsapp/line....

真係有D難受...

記得旅程都未到一半....係BERLIN..

因為一件事忍唔住落左街

發左自己一個好大既脾氣

好大聲係條街度哎左一大句粗口..

(我平時係山頂、海邊、懸崖都唔會咁大聲哎)

我相信方圓十米既鬼佬都感受得到我既憤怒.....=___=

然後我對住同肥傢伙喊住話:"點解我黎歐洲燒錢要受人氣"

第一次 第一次去旅行喊

多謝肥傢伙安慰我

話比我知呢個世界上有好多好自私既人

我記得個一晚我可以搵到朋友係FB CHAT下...

真係一路同你地chat一路眼濕濕.....

感恩係幾萬公里外

快我身處地方6個鐘既香港

有一班人係凌晨4,5點肯聽你呻!!!

其實呢一件事亦都話比我知做人可以冇所謂就得人...

但一定要好清楚話比人知底線係邊

雖然歐洲好危險

但係人情味還有的

感恩我可以遇見好多幫助我既人

係avignon遇見一個好靚既重慶女仔

佢竟然借左佢間酒店房比我休息梳洗(個時我已經check out左...)

係barcelona華人hostel

入面d人知道我地比人偷野..

個個都好關心我地

特別係2個香港姐姐..

比左轉插、叉電器同日用品..

我先可以繼續影到相用到電話同ipod!

連去到北京

一落機有個空姐主動走黎問我地識唔識去北京d景點

仲介紹我地去食野....(確實我地係一d都冇search過北京)

雖然我地經歷左好多黑仔事...

但個天好似安排左一d人幫助返你..

咁都唔係太差姐!!

但無論如何

我一定要多謝肥傢伙...

我這個地圖小王子去到唔識字既國度係totally fail...

係呢33日直頭你是我的眼...

我的導遊

帶我去景點

你知道既歷史都會講解比我知

唔單止咁樣 我地會一齊

係歐洲搞盡腦汁想盡辦法慳錢

係METRO衝閘唔買飛

係歐洲街頭大大聲唱中文歌

係D鬼佬面前豪不顧忌咁講野

去outlet瘋狂掃貨

係D景點唔知醜擺pose影相

甚至我地最尾HEA到..

去Information Centre拎張地圖就出玩...

一路係D soven店睇postcard認景點

Hea到好多時候見到d草地或者海邊就坐成大半個鐘一路曬日光浴一路傾計

如果唔係就各自聽歌 各自訓教 各自睇下風景...

當然係歐洲得一個人係好危險

但呢D有朋友陪..但可以各自hea既私人時光

原來都可以好舒服

謝謝你係呢33日照顧我....

33日可以令到大家既友誼感情更深厚

33日都可以令到4年既感情冇哂...

只可以話我多謝你係hd dg既fyp都冇離棄我...

我既hon你係有份既

多謝你 但唔代表我可以比人不停挑戰底線...

其實呢一篇note都打我有D亂.....

真係諗到D咩就打咩....

其實grad trip返黎未抖夠就要返工...

確實我有d未接受到自己已經踏入社會

雖然呢一個grad trip有一D時間真係好唔開心..

但係我都無悔去左呢一個trip...

希望呢一個grad trip體驗到既野係可以幫助到我成長...

加油!!」

在準備出發德國前一看，又好像感受不一樣。三年前覺得天一樣大的事，現在覺得很幼稚。自己控制不了的事情就不要看得太重了！但無論如何，三年前，還是三年後的今日，我還是衷心的多謝肥傢伙！這三年來他一直是我一位好好的同學、朋友、旅伴！

正值grad trip旺季，希望過去的33篇遊記能夠可以幫助準備或正值在歐洲grad trip的同學仔。總括而言，歐洲風景雖美，如果能夠和同伴開開心心相處，會使整個旅程更加錦上添花！人才是旅程上最寶貴！

對我自己而言，龜速地用了大半年時間完成整個grad trip遊記，每一次打blog都好像在腦海中重新出發！有次我跟肥傢伙說我重新打blog，他說我癲左，哈哈哈！我請他有時間看看這個blog，他有日跟我說：「d回憶好似返哂黎！」，這個就是我用文字記低的原因！

陸續有來，我會用自己雙腳開創專屬我自己的地圖=]

之前和好朋友聊天，受他們的鼓勵下，我決定開一個新的Facebook Page來分享我旅行或者生活上的事~

希望大家都可以Click下的Link，再Like一Like我這個小小的專頁！

我會不定期的上載！

請多多支持！

www.facebook.com/grandlinejourney

畢業旅行 DAY 23 - 紫色海洋

講起普羅旺斯，第一時間就會想起薰衣草，所以今日，法國的最後一個行程，就以薰衣草Tour作為結尾。為了報名參加普羅旺斯local tour，早在出發前已經上網找資料，又send email去幾間旅行社查詢，但得到的回覆是未確定花期，暫時未能成團。直到歐洲之旅開始的初頭，亦得到同樣的答覆，所以我們決定先暫時放下，等六月中才算。

因為旅途上的一些事故，由四個人變成我跟肥傢伙兩個，再加上早前聯絡local tour事宜並非我們負責，手頭上完全沒有資料，唯有自己重新搜集。為了上網，我跟肥傢伙在巴黎的酒店大拿拿花了5euro申請wifi！幸好畢業旅行的期間，有幾班朋友都同時歐遊，但私下在facebook互通消息，其中一個女生剛剛參加完薰衣草Tour，就給了我們資料及電郵，省卻了麻煩！最後我們在tour的前兩天，即第一日到尼斯那天，才確定成功報團，放下心頭大石。再一次證明出外真的要靠朋友！

昨晚檢查email，local tour回覆，叫我們明天上午8時在酒店門口向南行100米的Office de Tourisme集合......法國人的方向指引真有趣！其實這個旅客中心距離酒店超近，昨日都有經過，只是昨日只顧搬行李沒有留意。我們早到十五分鐘就到旅客中心，已經有一班同樣等Tour的遊客。過了一會，有幾輛旅遊巴、私家車駛來接載旅客，經過一輪溝通，終於與法藉司機接頭，交了一人80euro的費用，就登上一間七人車，暗暗慶幸自己不是坐旅遊巴。

凌亂的房間

酒店的花園~其實我想講...一起身就落雨...T__T

司機載我跟肥傢伙到亞維儂另外一間酒店，接載另外的兩男兩女。司機派了一份中文字的行程簡介(超貼心，有繁簡字兩款任揀)，用英文大約講講今日的行程(其實我聽唔清楚...)，就開始今日的local tour。在車上，司機幾乎沒有說話，而我們六個就互相介紹、寒暄一下，他們四個來自北京，兩兄弟各帶老婆，兩房人一同到法國玩。

大半個鐘後，就到達碧泉村 Fontaine-de-Vaucluse，司機說45分鐘後在下車的地方集合，就讓我們自由活動。

一落車就沿著這條山路走去~

碧泉村當然是以河流為主啦！

碧泉村曾經是是手工造紙的重要出產地，至今，紙磨坊仍然運作，出售一些手工造紙給遊客做手信用。

因為今早下過雨，形成一層霧氣。

在河邊拍照太忙形......一不小心草帽被風吹落河中...我辛辛苦苦把它從香港帶到歐洲，只帶了兩天！兩天而已！！！激死我！！！(肥傢伙說本身成件事可以很浪漫，但套在我身上變得很搞笑...=______=)

行了二十分鐘到達碧泉村泉水的源頭~

齊人後，司機帶我們到第二小村莊 － 石頭城 Gordes。

司機特意帶我們來這兒拍照，他說石頭城的postcard都是在這個位置拍攝！

整個石頭城都是以石頭為建材

然後，司機載我們到紅土城 Roussillon。司機還提醒我們要小心，不要太貼近石邊、牆邊，以免衣服被紅土弄髒。其實這兒有兩條行山徑，可以深入紅土城山區的範圍，但要收費，而且時間不夠，我們就到市集那邊逛逛。

位於紅土城超出名的雪糕店

我們的LUNCH - 薰衣草與紫羅蘭(好似係?)雪糕

紅土城以附近的泥土作為建材

行完三個南法最美的村莊，終於正式行薰衣草田！在普羅旺斯有三個地區看薰衣草 － Valensole、Sault和塞農克修道院Abbaye Notre Dame de Senanque。電影《香水》好像在Sault和修道院附近拍攝，而我們去的是Valensole。

先被帶到Lavandes Angelvin紀念品店，因為司機說之後不再有機會買紀念品，我們六個人馬上買入不同的紀念品。平日都能忍手，但難得來到我期待已久的普羅旺斯，好想好想將普羅旺斯的氣味帶回家。我們買了香水、化妝水、香皂、乾花包等，買了八十多euro，我們已經覺得自己買得很瘋狂，誰知北京兩兄弟他們買得更瘋狂！我想他們買了幾百euro…...T_______T

紀念品店

買好東西後，就正式行去薰衣草花田。在今早的中文字行程簡介，介紹了普羅旺斯不同品種的薰衣草，而司機亦帶了我們去了Valensole內三處不同的地方，讓我們看看不同的品種，雖然大家認真研究一番都分不出，但感謝司機讓我們有機會到不同的薰衣草田。

第一個薰衣草花田 - Lavandes Angelvin紀念品店旁邊

第二個薰衣草花田

跳脫的肥傢伙

雖然花仍未開到最燦爛的一刻，能夠親眼一見已經很感動！

這個花田旁邊還有金黃色的草~

第三個薰衣草花田

我替北京兄弟拍照~~

我地都留倩"影"先~

我從來都不覺得自己喜愛花，但置身於法國普羅旺斯一望無際的薰衣草花田，我覺得我愛上了花。

大約五點多，司機就送我們回亞維儂。今晚十一時，我們將要坐通宵巴士到巴塞隆拿，離開這個浪漫的國家（但建議大家在法國盡量將視線望向上會比較好，因為有時候地面比較......）本身我們想參觀一下亞維儂，但一來差不多入夜，二來今晚沒辦法洗澡，肥傢伙不願行到出汗，我們抱著一定要再來的決心，最後決定回酒店休息、寫postcard好了。

我偷偷摘一條薰衣草，保留至今，還有一陣香氣！

回到酒店，職員讓我們在花園休息，又讓我們充電！真好！但法國有一個奇怪的地方，我在巴黎時已經發現，就是酒店的公聚廁所沒有洗手盆......害我不敢上廁所，又沒辦法除con落妝。幸運地遇上一個重慶女生，她讓我借用她房間的廁所一用，幸虧有她，我們才可以換件衣服洗過面！謝謝這位重慶長腿美女！！！

在法國的最後一站才找到家樂福...買了一個超難食但超平的Dinner......

Hea到十點，寄過postcard就出發到Gare d'Avignon-Centre附近的巴士站。之前我們在Eurolines用了30多euro買了車票，晚上十一點上車，大約凌晨五點半到巴塞隆拿Barcelona-Sants Station。亞維儂的巴士站並不像香港般有明顯的站頭，在車站附近遇到兩個同樣前往巴塞的中國背包客，大家一同找巴士站。最後有一個熱心的伯伯走來，講了一堆法文，又示意叫我們在這兒等，大概我們找對了。

過了十一點，巴士還未來，大家都有點慌。幸好巴士最終都來了，不過我們上車的地點不是頭站，不能夠找個靠窗的位子休息。放好行李，坐好位子後，司機馬上關燈然後全速離開法國。