畢業旅行 DAY 33 - 旅程後一記

今日的行程可以用一句句子總結︰一早起身去左機場Check in，因為尋日香港八號風球，坐左係飛機入面三個幾鐘終於可以返香港啦！完......

算啦...還是再一次重溫這33日的旅程︰

DAY 0 : 出發前一記

DAY 1 : 食飽飽好上路

DAY 2 : 最漫長的一天

DAY 3 : 條條大路通羅馬

DAY 4 : 邪惡的翡冷翠

DAY 5 : 尋找伽利略

DAY 6 : 迷失威尼斯

DAY 7 : 地球係圓架嗎!

DAY 8 : 星之奇遇

DAY 9 : 最寧靜的首都

DAY 10 : Top of Europe

DAY 11 : 催狂魔之吻

DAY 12 : 沒有商業味道的世界金融中心

DAY 13 : 名車的博物館

DAY 14 : 位於山之巔的城堡

DAY 15 : 跟Gary Oppa吃咸豬手

DAY 16 : We need democracy not great wall

DAY 17 : 暴走柏林街頭

DAY 18 : 迷之巴黎

DAY 19 : 最美的感動

DAY 20 : 與浪漫花都的約定

DAY 21 : NICE is so NICE!!!!!!

DAY 22 : 暫別法國數小時

DAY 23 : 紫色海洋

DAY 24 : 巴塞隆拿失竊事件簿

DAY 25 : City Hunt@巴塞隆拿

DAY 26 : 西班牙的中心點

DAY 27 : 走馬看馬德里

DAY 28 : 天涯海角最西點

DAY 29 : 大航海時代

DAY 30 : 第三極

DAY 31 : 再一次許願

DAY 32 : 豪食在北京

我好努力係Google入哂我成個行程...不過都係有DD出入...(如有高手，請指教！)

放埋呢個詳細Plan比大家睇啦~~

以下是我當時完成旅程後的原汁原味一小記︰

「係打呢一篇NOTE之前睇返自己出發前既小記...

有點感觸....

出發前開開心心咁話'9個國家 21個城市 4個同伴 33日旅程"

到了6月30日就變成左"9個國家 24個城市 2個同伴 33日旅程"

去既城市比我出發前數既多左，但同行既人就少左...

第一次到歐洲，玩遍西歐八個國家...

所需要的體力、智慧、應變力、EQ，甚至運氣都遠遠超出我預期...

去到一個人生路不熟，兼冇咩人聽得明英文既國度...

即使帶左足夠既錢都唔可以解決哂所有問題...

呢33日既旅程真係好震撼到我...

細個係中史、HISTORY、ART等等既書上讀過既人、事、文化、遺址、藝術品....

一一擺係你眼前....

我仲好記得第一下去到羅馬

搭巴士沿途望見一D古羅馬遺址個一種興奮、好奇

我真係好似D小朋友...要坐係窗口位睇風景

除左睇到好多好多書本上既野

係呢一個TRIP我竟然可以

連續33日都可以準時起身...

為慳幾EURO而唔買PASS怒行...

為左飽肚食一D我係香港一定唔會食既野...

為左解渴而飲生水...(我對水既要求真係好高...係香港D水有少少味我都唔飲)

忍受到幾日都著同一SET衫...

頂得順後期日日拖住個就爆既GIP、咩住個成1X kg既重袋趕路追車轉city..

忍得到比人偷左野唔喊...

......

好多好多好多...

我係香港唔會做 唔會忍受到 唔會試既事

係呢33日體驗左....

我知道呢一D其實係好小事....

大家會話咁人地一個人去外國讀書未仲慘!!

其實係架...

我只可以話雖然我係香港唔係有錢女....

只係一個出生於公屋既small potato...

但我都算係衣食無憂....幸福到爆...

屋企人真係照顧得我呢個溫室植物少爺兵好好...

同時呢一個旅程話比我知我係香港一路有一班好肯遷就我幫助我既朋友....

係呢一個旅程入面....

電話壞左...wifi唔stable既情況下...

冇我同我最愛既朋友whatsapp/line....

真係有D難受...

記得旅程都未到一半....係BERLIN..

因為一件事忍唔住落左街

發左自己一個好大既脾氣

好大聲係條街度哎左一大句粗口..

(我平時係山頂、海邊、懸崖都唔會咁大聲哎)

我相信方圓十米既鬼佬都感受得到我既憤怒.....=___=

然後我對住同肥傢伙喊住話:"點解我黎歐洲燒錢要受人氣"

第一次 第一次去旅行喊

多謝肥傢伙安慰我

話比我知呢個世界上有好多好自私既人

我記得個一晚我可以搵到朋友係FB CHAT下...

真係一路同你地chat一路眼濕濕.....

感恩係幾萬公里外

快我身處地方6個鐘既香港

有一班人係凌晨4,5點肯聽你呻!!!

其實呢一件事亦都話比我知做人可以冇所謂就得人...

但一定要好清楚話比人知底線係邊

雖然歐洲好危險

但係人情味還有的

感恩我可以遇見好多幫助我既人

係avignon遇見一個好靚既重慶女仔

佢竟然借左佢間酒店房比我休息梳洗(個時我已經check out左...)

係barcelona華人hostel

入面d人知道我地比人偷野..

個個都好關心我地

特別係2個香港姐姐..

比左轉插、叉電器同日用品..

我先可以繼續影到相用到電話同ipod!

連去到北京

一落機有個空姐主動走黎問我地識唔識去北京d景點

仲介紹我地去食野....(確實我地係一d都冇search過北京)

雖然我地經歷左好多黑仔事...

但個天好似安排左一d人幫助返你..

咁都唔係太差姐!!

但無論如何

我一定要多謝肥傢伙...

我這個地圖小王子去到唔識字既國度係totally fail...

係呢33日直頭你是我的眼...

我的導遊

帶我去景點

你知道既歷史都會講解比我知

唔單止咁樣 我地會一齊

係歐洲搞盡腦汁想盡辦法慳錢

係METRO衝閘唔買飛

係歐洲街頭大大聲唱中文歌

係D鬼佬面前豪不顧忌咁講野

去outlet瘋狂掃貨

係D景點唔知醜擺pose影相

甚至我地最尾HEA到..

去Information Centre拎張地圖就出玩...

一路係D soven店睇postcard認景點

Hea到好多時候見到d草地或者海邊就坐成大半個鐘一路曬日光浴一路傾計

如果唔係就各自聽歌 各自訓教 各自睇下風景...

當然係歐洲得一個人係好危險

但呢D有朋友陪..但可以各自hea既私人時光

原來都可以好舒服

謝謝你係呢33日照顧我....

33日可以令到大家既友誼感情更深厚

33日都可以令到4年既感情冇哂...

只可以話我多謝你係hd dg既fyp都冇離棄我...

我既hon你係有份既

多謝你 但唔代表我可以比人不停挑戰底線...

其實呢一篇note都打我有D亂.....

真係諗到D咩就打咩....

其實grad trip返黎未抖夠就要返工...

確實我有d未接受到自己已經踏入社會

雖然呢一個grad trip有一D時間真係好唔開心..

但係我都無悔去左呢一個trip...

希望呢一個grad trip體驗到既野係可以幫助到我成長...

加油!!」

在準備出發德國前一看，又好像感受不一樣。三年前覺得天一樣大的事，現在覺得很幼稚。自己控制不了的事情就不要看得太重了！但無論如何，三年前，還是三年後的今日，我還是衷心的多謝肥傢伙！這三年來他一直是我一位好好的同學、朋友、旅伴！

正值grad trip旺季，希望過去的33篇遊記能夠可以幫助準備或正值在歐洲grad trip的同學仔。總括而言，歐洲風景雖美，如果能夠和同伴開開心心相處，會使整個旅程更加錦上添花！人才是旅程上最寶貴！

對我自己而言，龜速地用了大半年時間完成整個grad trip遊記，每一次打blog都好像在腦海中重新出發！有次我跟肥傢伙說我重新打blog，他說我癲左，哈哈哈！我請他有時間看看這個blog，他有日跟我說：「d回憶好似返哂黎！」，這個就是我用文字記低的原因！

陸續有來，我會用自己雙腳開創專屬我自己的地圖=]

之前和好朋友聊天，受他們的鼓勵下，我決定開一個新的Facebook Page來分享我旅行或者生活上的事~

希望大家都可以Click下的Link，再Like一Like我這個小小的專頁！

我會不定期的上載！

請多多支持！

www.facebook.com/grandlinejourney

畢業旅行 DAY 27 - 走馬看馬德里

今日是在西班牙最後一日，遇上偷竊事件，而且原先預留的時間不多，所以只感挑選些有興趣的景點而去。因為是我要求去西班牙，所以這幾天的行程都是大家替我硬塞進去我們的旅程當中，究竟這樣做是不是走馬看花？我覺某程度得是的，但我也慶幸自己能踏足這片國土，我深信我確信我一定會回來，就當今次是為下次旅程的預習！

我們不死心，一定要找出太陽門的零起點，但找極也找不到。所以先寄postcard後，再到附近老店吃西班牙傳統甜點 - 朱古力加油炸鬼。據稱西班人每早都會飲這杯濃到"杰撻撻"的朱古力，還會伴著這條西班牙油炸鬼一起吃。我覺得小吃多滋味，多吃就很膩。而這種油炸鬼不像香港那樣鬆軟，而是整條脆脆的。重申一次，西班牙物價不高，有機會可以出外試試不同的菜式，常屈在hostel煮麵也不是好體驗！

太陽門的郵筒

咁就7.4euro

好杰...

西班牙油炸鬼

吃飽再一次找零起點，我們遠遠見到一群人聚集在市政府多，就衝過去八卦一下，果然不出我們所料，這個零起點就在地下！在我剛剛寄postcard的郵箱附近，真的眼大睇過龍！！！ 這塊零起點標示著西班牙所有公路的起點！很有意思！

找到零起點，總算了一個心願！然後我們坐地鐵到Retiro站到麗池公園。麗池公園Parque del Retiro 是西班牙首都馬德里市中心最大的公園。其原為西班牙王室在16世紀建立之離宮，至19世紀始改為公園對公眾開放。公園面積達1.4km²，位於市中心的東部邊緣，毗鄰阿爾卡拉門，距離普拉多博物館也頗近。公園內充滿了美麗的雕塑與紀念碑，長廊，有平靜的湖泊，玫瑰園，水晶宮。(from Wiki)

公園內正進行畫畫比賽，到處都有參賽者帶著畫板畫具寫生！

呢個老豆好man！

水晶宮(人地影得好靚~我影得好一般咁...但其實呢度幾靚架)

入面熱度好似入左個溫室咁

有好多藝術品...只係我睇唔明~

水晶宮外的水池

係對面望返過去先~

唔知寫左咩呢?

好靚！

因為離家已經差不多一個月，總會有思鄉的時候。昨日討論區搜尋馬德里的資料時，發現馬德里某個地方有珍珠奶茶賣！還要是跟貢茶一樣的珍珠奶茶！是全西班牙唯一一部珍珠奶茶機！(定全歐洲我都忘記了，不過事隔差不多三年，亦有可能不是獨家了。)所以參觀完麗池公園，就搭地鐵到TETUAN站，展開尋找珍珠奶茶的故事。

珍珠奶茶於中歐百貨商店有售(地址：C/GENERAL MARGALLO NO.23 28020 MADRID)，由台灣人開的。當我們去到中歐百貨，才知道今天是星期日不營業！！！！我們特意過來卻食白果.....T____T為了彌補一下我們思鄉的心，我們到附近還營業的小店，(相信這區是華人聚集的小區)買了一罐1euro的罐裝珍珠奶茶。雖然珍珠已經浸到”霉哂”，奶茶只有死甜，但總算是熟識的味道！

點解你唔開！！！

思鄉完畢，我們就出發附近皇家馬德里球場。皇家馬德里聖地牙哥·班拿貝球場位於地鐵站Santiago Bernabeu附近。跟巴塞球場一樣，我們只在外行一圈，到紀念品店逛逛便算。

係球場對面，之前上網有人話住呢幢樓就正！可以唔使錢睇波！

好似皇馬個紀念品店好行D~~

在馬德里，太陽門廣場是我們的中心點，潮聖完皇馬主場，我們又回到太陽門廣場。我們回來是為了尋找西班牙品牌Zara的副牌Lefties，這個牌子就像Uniqlo跟GU的關係，是值得尋寶的好地方！我跟肥傢伙只花了20euro就已經滿載而歸。我們還在太陽門廣場附近window shopping一番才回酒店休息。

因為今日凌晨要到馬德里機場，要到酒店附近的巴士站搭通宵巴士，所以我跟肥傢伙決定先探探路，以免待會兒夜麻麻黑忟忟，還要拖著那個死人行李找路！從酒店方向向東行，大約十五分鐘就已經到了一條繁榮的大馬路，而馬路的對面就是馬德里出名的普拉多博物館 Museo Nacional del Prado。普拉多博物館被譽為世界四大美術館之一(其餘好像包括羅浮宮、大英博物館、還有一個在美國...)，再加上巴塞隆拿兩位姐姐都極力推介，我們都想入內參觀。可惜去到的時候，博物館還有半小時多就閉館，因為今天是星期日，博物館會較平日早點閉館......旅程久了，有時候忘記了細心翻查資料，再加上歐洲夏天日照時間長，常常有一種時間還很早的錯覺。

人地都走啦...

據稱馬德里有差不多200個大大小小這一類的廣場

然後我們全力找出巴士站在那兒，就在普拉多博物館的不遠處，拍下站頭的時間表，就回酒店收拾行李，梳洗好就早早休息，因為待會兒凌晨兩點多要起床出發。

巴士站(Pº Prado - Pza. de Cibeles)附近的建築物

入面好似第二個世界咁~

實用分享+搞笑事一則︰

話說當時我在Facebook說寄postcard都寄到我窮時，有一位曾在歐洲exchange的朋友PM，說我可以用STS。STS全寫就是Student to Student，在平日貼郵票的位置寫上STS，郵差叔叔就知道這個寄件人和收件人都是學生，會免費幫學生們寄postcard，所以網上有人說千萬不是寫收款人是Mum, Dad, 媽咪, 老豆等肯定不是學生的收件人。STS有Facebook Page，有人會分享那個地區會成功寄出，那個地區會寄失。通常連繫不發達的國家，寄失的機會會比較高。(其實我質疑國際的郵局間是不是真的有STS計劃，還是郵差們不忍心把大家的postcard棄掉，照幫大家寄出)我在意大利、瑞士和西班牙都能成功寄出！猶如一場賭博，最後能將旅途上的心聲傳遞到香港的朋友，朋友收到這張postcard我會特別興奮！不過用STS寄出的postcard，部分沒有郵chop，如果很介意郵chop的朋友，還是老老實實買張郵票好了。

搞笑是昨天我寫好了一張STS postcard，一離開酒店，就見到酒店門口旁有一個郵筒(真係同上面太陽門個個一樣樣架!!!)，我想都不想就把postcard寄了。當夜晚回去時，整個郵筒不見了！！！！到今天出門口，郵箱又出現了！因酒店旁是一間紀念品店，我懷疑這個郵筒是紀念品的裝飾，就走入店內問問店員。她只說:"postcard~OK!"既然她說OK，而且我又沒辦法取回postcard，只好作罷！幸好，朋友都能收到這張postcard！究竟這張postcard經歷過什麼冒險?不得而知了！但大家都收到，一張都沒有寄失就好了！